ترجمہ شدہ صفحات کے لیے COVID-19 کا مواد

آسٹن-ٹریوس کاؤنٹی قلیل کمیونٹی سطح پر ہے 

 

ان لوگوں کے لیے سفارشات جنہوں نے اپنی COVID-19 کی تازہ ترین ویکسینز لگوائی ہوئی ہیں:

  • کم
    •  احتیاطی تدابیر کے بغیر اجتماعات، باہر کھانے اور خریداری میں شرکت کریں۔
  • اوسط
    • احتیاطی تدابیر کے بغیر اجتماعات، باہر کھانے اور خریداری میں شرکت کریں۔ جب سماجی دوری ممکن نہ ہو تو ماسک لگائیں۔
  • اعلیٰ
    • احتیاطی تدابیر کے ساتھ اجتماعات، باہر کھانے اور خریداری میں شرکت کریں۔

ان لوگوں کے لیے سفارشات جو خطرے میں ہیں:

  • کم
    •  احتیاطی تدابیر کے بغیر اجتماعات، باہر کھانے اور خریداری میں شرکت کریں۔
  • اوسط
    • احتیاطی تدابیر کے ساتھ اجتماعات، باہر کھانے اور خریداری میں شرکت کریں۔
  • اعلیٰ
    • احتیاطی تدابیر کے ساتھ اجتماعات، باہر کھانے اور خریداری میں شرکت کریں۔

 

ان احتیاطی تدابیر میں ایک اچھی طرح سے فٹ ہونے والا ماسک پہننا، اپنے ہاتھ دھونا اور سماجی دوری قائم کرنا شامل ہے۔

[سب سے اوپر]

COVID-19 کے بارے میں 

COVID-19 ایک سانس کی بیماری ہے جو کہ ایک شخص سے دوسرے شخص میں پھیل رہی ہے۔ یہ وائرس بنیادی طور پر سانس کی بوندوں کے ذریعہ اُن لوگوں کے درمیان پھیلتا ہے جو ایک دوسرے سے قریبی رابطے میں ہوتے ہیں (تقریباً 6 فٹ کے اندر)۔

COVID-19 کی ہلکی علامات میں بخار، کھانسی، سر درد، ناک بہنا، بو/ذائقہ کا احساس کم ہونا، گلے کی سوزش اور/یا اسہال شامل ہیں۔ اگر آپ میں ہلکی علامات ظاہر ہوتی ہیں تو آپ کو ٹیسٹنگ کروانی چاہئے۔ اگر آپ میں سانس لینے میں دشواری، سینے میں درد، الجھن، ایسا بخار جس میں دواؤں سے کچھ نہ ہوتا ہو سمیت شدید علامات ظاہر ہو رہی ہیں تو 1-1-9 پر فون کریں یا ایمرجنسی روم میں جائیں۔

COVID-19 کے بارے میں مزید معلومات حاصل کریں۔

[سب سے اوپر]

COVID-19 کی ویکسین حاصل کریں

آسٹن پبلک ہیلتھ Moderna، Pfizer اور Johnson & Johnson کی ویکسینز مہیا کرتی ہے۔ جملہ افراد ویکسین حاصل کرنے کے لیے اپائنٹمنٹ کا وقت طے کرسکتے ہیں یا کسی بھی APH سائٹ پر اپائنٹمنٹ کے بغیر والک-اپ کر سکتے ہیں۔

اگر آپ COVID-19 سے صحت یاب ہوچکے ہیں، اور آپ اہل ہیں تو، آپ کو ویکسین ضرور لگوانی چاہئے۔ ویکسین سے ملنے والی قوت مدافعت اس قدرتی قوت مدافعت سے کہیں زیادہ دیر تک چل سکتی ہے جو آپ کو COVID-19 کے ہونے پر ملتی ہے۔

+5 سال کی عمر کے بچے Pfizer ویکسین لینے کے اہل ہیں۔ APH اولڈ سِمز ایلیمنٹری جمنازیم اور شاٹس فار ٹاٹس میں بچوں کی Pfizer ویکسین فراہم کرتی ہے۔ +12 سال کے بچوں کے لیے، Pfizer ویکسین APH ویکسینیشن کے تمام مقامات پر دستیاب ہے۔ یہ ویکسینز UT ہیلتھ آسٹن، ٹریوس کاؤنٹی ڈرائیو تھرُو، پاپ اپ کمیونٹی ایونٹس، اور دیگر مقامی کلینکس اور فارمیسیز کے ذریعے بھی دستیاب ہیں۔ 

آسٹن پبلک ہیلتھ صرف اپوائنٹمنٹس کے ذریعے اپنے شاٹس فار ٹاٹس/ بِگ شاٹس کلینکس میں اُن بچوں کو حفاظتی ٹیکہ جات، COVID-19 کی ویکسینز اور فلو کے ٹیکے فراہم کرتی ہے جو غیر بیمہ شدہ ہیں یا میڈیک ایڈ وصول کنندگان ہیں۔ دیگر تفصیلات نیز اپائنٹمنٹ حاصل کرنے کا طریقہ جاننے کے لیے آسٹن پبلک ہیلتھ کا حفاظتی ٹیکوں والا صفحہ ملاحظہ کریں۔

آپ کے علاقے میں COVID-19 ویکسین کی فراہمی کے ساتھ مزید فراہم کنندگان کی تلاش کرنے کے لیے Vaccines.gov (Vacunas.gov ہسپانوی کے لیے) ویب سائٹ مدد کرسکتی ہے۔ ویکسینیشن کی قریب ترین سائٹ تلاش کرنے کے لیے آپ اپنا زِپ کوڈ 438829 (ہسپانوی کے لیے 822862) پر میسیج کے ذریعہ بھی بھیج سکتے ہیں۔

دوسری خوراکیں 

اگر آپ نے اپنی Moderna یا Pfizer کی پہلی خوراک APH کے ذریعہ لگوائی ہے،  اور آپ کو لگوائے ہوئے 28 دن (Moderna)/21 دن (Pfizer) کا عرصہ ہو چکا ہے، تو آپ آن لائن ہو کر اپنی دوسری خوراک کے لیے اپائنٹمنٹ کا وقت طے کر سکتے ہیں۔ آپ قریب ترین والک-اپ کے محلِ وقوع اور اوقات جاننے کے لیے آن لائن austintexas.gov/covid19-vaccines، پر بھی چیک کر سکتے ہیں، یا 1-1-3 یا 2000-974-512، پر فون کر سکتے ہیں۔ اگر آپ اپنی ملاقات سے محروم رہ جاتے ہیں تو، آپ ہماری کسی بھی ویکسین سائٹ پر 28 دنوں کے بعد بھی والک-اپ کرسکتے ہیں۔ والک-اپ کے محلِ وقوع اور اوقات کے لیے 1-1-3 یا 2000-974-512 پر فون کریں۔ براہ کرم اپنا CDC ویکسینیشن کارڈ ساتھ لے کر آئیں۔

 تیسری خوراکیں 

APH بیماریوں کے کنٹرول اور روک تھام کے مراکز کی اہلیت کی ہدایات پر عمل پیرا ہے اور درمیانے درجے یا شدید درجے کے کمزور مدافعتی نظام والے افراد کو ویکسین کی تیسری خوراک فراہم کر رہا ہے۔

بہت سی فارمیسیز اور کلینکس بھی تیسری خوراک فراہم کر رہے ہیں۔ پنے قریب ترین والی جگہ تلاش کرنے کے لیے vaccines.gov ملاحظہ کریں (یا ہسپانوی کے لیے Vacunas.gov)۔

حالانکہ APH کا آن لائن پورٹل تیسری خوراک کی ضرورت والے تمام افراد کو اپائنٹمنٹ کا موقع دے گا، لیکن اگر آپ ویکسینیشن سائٹ پر پہنچتے وقت اہلیت کے معیار پر پورا نہیں اترتے تو آپ کو واپس بھیج دیا جائے گا۔ 

جو لوگ فی الحال ایم mRNA ویکسین ( Pfizer-BioNTech COVID-19ویکسین یا Moderna COVID-19 ویکسین) کی تیسری خوراک حاصل کرنے کے اہل ہیں ان کے لیے ضروری ہے کہ جب انہوں دوسری خوراک حاصل کی تھی تب سے کم از کم 28 دن گزر چکے ہوں اور وہ ذیل کے کم از کم ایک معیار پر پورا اتریں:

  • ٹیومرز یا خون کے کینسر کے لیے کینسر کا فعال علاج حاصل کرنے والے ہوں
  • آرگن ٹرانسپلانٹ حاصل کیا ہو اور مدافعتی نظام کو دبانے کے لیے دوائی لے رہے ہوں
  • پچھلے 2 سالوں میں سٹیم سیل ٹرانسپلانٹ حاصل کیا ہو یا مدافعتی نظام کو دبانے کے لیے دوائی لے رہے ہوں
  • اعتدال میں یا شدید پرائمری مدافعتی کمی کا سنڈروم ہو (جیسے DiGeorge سنڈروم ، Wiskott-Aldrich سنڈروم)
  • ایڈوانس یا ایسا HIV انفیکشن جس علاج نہ کیا گیا ہو
  • اعلی خوراک والے کورٹیکوسٹیرائڈز یا دیگر ادویات کے ساتھ فعال علاج میں ہوں جو ان کے مدافعتی ردعمل کو دبا سکتی ہیں

اگر آپ کو تیسری خوراک کے لیے اپنی اہلیت کے بارے میں سوالات ہیں تو اپنے ہیلتھ کیئر فراہم کنندہ سے بات کریں۔

بُوسٹرز 

CDC اجازت دیتا ہے اور تجویز کرتا ہے کہ وہ تمام بالغ افراد جن کی عمر 16 سال یا اس سے زیادہ ہے انہیں ویکسین کی ابتدائی سیریز کے کم از کم پانچ ماہ بعد Pfizer کی COVID-19 ویکسین کا ایک بوسٹر ٹیکہ ضرور لگوانا چاہئے۔

Moderna کی COVID-19 ویکسین کا بُوسٹر ٹیکہ 18 سال اور اس سے زیادہ عمر کے تمام بالغوں کے لیے ویکسین کی ابتدائی سیریز کے کم از کم چھ ماہ بعد دستیاب ہے۔

وہ افراد جنہیں Johnson & Johnson کی COVID-19 ویکسین لگی ہے، اُن میں سے 18 اور اس سے زیادہ عمر کے افراد اور دو یا اس سے زیادہ مہینے پہلے ویکسین لگوانے والے افراد کے لیے بُوسٹر ٹیکوں کی بھی سفارش کی جاتی ہے۔

اگر کوئی فرد بوسٹر ٹیکے کی درخواست کرتا ہے تو اسے اپ ڈیٹ کرنے کے لیے اپنا CDC COVID-19 ویکسینیشن کارڈ لانا ہوگا۔

آسٹن پبلک ہیلتھ Moderna، Pfizer اور Johnson & Johnson کی ویکسینز اور بُوسٹرز مہیا کرتی ہے۔ ویکسینز اور بُوسٹرز UT ہیلتھ آسٹن، ٹریوس کاؤنٹی ڈرائیو تھرُو، پاپ اپ کمیونٹی ایونٹس، اور دیگر مقامی کلینکس اور فارمیسیز کے ذریعے بھی فراہم کرائے جاتے ہیں۔

CDC نے ویکسین کے مختلف برانڈز کو ملانے کے حوالے سے بھی اپنی ہدایات کو اپ ڈیٹ کیا ہے: "اب ریاستہائے متحدہ امریکہ میں دستیاب COVID-19 کی تینوں ویکسینز کے لیے بُوسٹر کی سفارشات کی جاتی ہیں۔ اہل افراد اس بات کا انتخاب کر سکتے ہیں کہ اُنہیں کونسی ویکسین بوسٹر خوراک کے طور پر لگے گی۔ کچھ لوگ ویکسین کی اُس قسم کو ترجیح دے سکتے ہیں جو انہیں اصل میں لگی تھی، جبکہ بعض دوسرے لوگ ایک مختلف بوسٹر لگوانے کو ترجیح دے سکتے ہیں۔ CDC کی سفارشات اب بُوسٹر ٹیکوں کے لیے اس قسم کے مکس اور میچ (مختلف برانڈز کی ویکسینز کو ملانا) خوراک کی اجازت دیتی ہیں۔"

بُوسٹرز کے بارے میں مزید معلومات کے لیے CDC کی ویب سائٹ ملاحظہ کریں۔

تیسری خوراکیں بمقابلہ بوسٹرز 

ایک"بوسٹر"اور ایک "تیسری خوراک"میں فرق ہوتا ہے

  • تیسری خوراکیں کمزور مدافعتی نظام والے لوگوں کے لیے ہیں۔
  • بوسٹرز  ویکسین کی ابتدائی سیریز لگوانے کے بعد پانچ ماہ (Pfizer)/چھ ماہ (Moderna) یا اس سے زیادہ عرصے بعد دستیاب ہوتی ہیں۔ وہ لوگ جنہوں نے Johnson & Johnson کی ویکسین لگوائی ہے اُن کے لیے، ابتدائی، واحد خوراک کے دو ماہ بعد بُوسٹر لگوانے کی سفارش کی جاتی ہے۔

COVID-19 ویکسینوں کے بارے میں مزید معلومات یہاں حاصل کریں ۔

COVID-19 کا ٹیسٹ کروائیں 

ویکسینیشن کے اسٹیٹس یا سابقہ انفیکشن سے قطع نظر، جس میں بھی COVID-19 کی نشانیاں یا علامات ظاہر ہوتی ہیں اُسے ٹیسٹ ضرور کرانا چاہئے۔

اگر آپ COVID-19 کی علامات کا سامنا کر رہے ہیں تو، خود علیحدگی اختیار کریں اور مفت ٹیسٹ کے لیے رجسٹر کرنے کے لیے آن لائن تشخیص مکمل کریں۔ اگر آپ اسلیے ٹیسٹ کرواتے ہیں کیونکہ آپ میں  علامات  ہیں یا آپ ممکنہ طور پر وائرس کے رابطہ میں آئے تھے تو، آپ کو ٹیسٹ کے نتائج آنے تک دوسروں سے علیحدہ رہنا چاہئے اور اپنے ہیلتھ کیئر فراہم کنندہ کے مشورے پر عمل کرنا چاہئے۔ اگر آپ میں شدید علامات ظاہر ہو رہی ہیں تو، 1-1-9 پر فون کریں۔

آسٹن پبلک ہیلتھ (APH) پورے آسٹن میں کئی COVID-19 ٹیسٹنگ  سائٹس چلاتا ہے۔ آپ پبلک ٹیسٹنگ انرولمنٹ فارم کے ذریعے یا 1-1-3 یا 2000-974-512 پر فون کرکے ٹیسٹ کے لیے سائن اپ کرسکتے ہیں۔ 1-1-3 کے اوقات پیر سے-جمعہ صبح 8 بجے سے شام 6 بجے اور ہفتہ صبح 9 بجے سے دوپہر1 بجے

آمد و رفت کے مسائل، بنیادی صحت کے مسائل سے دوچار افراد، اور ایسے افراد جو آسٹن ٹریوس کاؤنٹی علاقے میں نقل و حمل سے محروم ہیں، اُن کے لیے APH گھر پر ٹیسٹنگ کی سہولت بھی فراہم کرتی ہے۔ گھر پر ٹیسٹ کے لیے سائن اپ کرنے کے لیے، براہ کرم نرس ہاٹ لائن 512-972-5560 پر فون کریں، جہاں وہ آپ کی ایک تشخیص کریں گے اور پھر گھر پر ٹیسٹ کرانے کا وقت طے کریں گے۔ گھر پر ٹیسٹنگ پیر سے جمعہ صبح 8 بجے سے شام 4 بجے تک دستیاب ہے۔

آسٹن کے آس پاس کی نجی سائٹوں پر بھی ٹیسٹنگ دستیاب ہے، جس میں اسپتالوں، فارمیسیوں، اور فوری نگہداشت کے مراکز کے ذریعہ ٹیسٹنگ شامل ہے۔

آسٹین کے علاقے میں COVID-19 ٹیسٹنگ کے بارے میں مزید معلومات یہاں حاصل کریں۔

[سب سے اوپر]

سائٹ پر دستیابی اور زبان تک رسائی  

شہر آسٹن معذور امریکی باشندوں کے ایکٹ اور شہری حقوق ایکٹ کے عنوان VI کی تعمیل کے لیے پُر عزم ہے۔ درخواست کرنے پر مناسب ترامیم اور مساوی رسائی فراہم کی جائے گی۔ اگر آپ نقل و حمل، انٹرنیٹ، ای میل، یا کمپیوٹرز میں کسی دشواری کی وجہ سے کسی مقام تک نہیں پہنچ سکتے ہیں تو براہ کرم 5560-972-512 پر فون کریں۔ زبانی ترجمانی کی خدمات ہر ضرورت مند فرد کو بلا معاوضہ فراہم کی جائیں گی۔ جب آپ سائٹ پر پہنچ جائیں تو، براہ کرم کسی نمائند کو اپنی ضروریات بتا دیں۔ 

علیحدگی اور قرنطینہ 

علیحدگی کا استعمال COVID-19 ہونے کے تصدیق شدہ یا مشتبہ افراد کو COVID-19 سے محفوظ افراد سے الگ رکھنے کے لیے کیا جاتا ہے۔ جن لوگ کو علیحدگی میں رکھا گیا ہے اُنہیں تب تک گھر پر ہی رہنا چاہئے جب تک کہ ان کے لیے دوسروں کے آس پاس رہنا محفوظ نہ ہو۔ گھر میں، جو بھی بیمار ہے یا متاثرہ ہے اُس فرد کو دوسروں سے الگ ہو جانا چاہیے، یا جب انہیں دوسروں کے آس پاس ہونے کی ضرورت ہو تو ایک اچھی طرح سے فٹ ہونے والا ماسک پہننا چاہیے۔ جن لوگ کو علیحدگی میں رکھا گیا ہے اُنہیں ایک مخصوص "بیماروں والے کمرے" یا علاقے میں رہنا چاہئے اور اگر دستیاب ہو تو ایک علیحدہ باتھ روم استعمال کرنا چاہئے۔ ہر وہ شخص جو COVID-19 کا مشتبہ یا تصدیق شده مریض ہے اُسے گھر میں ہی رہنا چاہئے اور کم از کم 5 پورے دنوں تک دوسرے لوگوں سے علیحدگی اختیار کرنی چاہئے (دن 0 علامات ظاہر ہونے کا پہلا دن یا علامات سے پاک افراد کے لیے مثبت وائرل ٹیسٹ کے دن کی تاریخ ہے)۔ انہیں مزید 5 دنوں کے لیے گھر میں اور عوام کے درمیان دوسروں کے ارد گرد ہونے پر ایک ماسک ضرور پہننا چاہئے۔

 

قرنطینہ کا استعمال COVID-19 کے کسی مریض کے قریبی رابطے میں آنے والے افراد کو دوسروں سے لگ رکھ کر COVID-19 کی منتقلی کو روکنے کے لیے کیا جاتا ہے۔ جملہ افراد کو چاہئے کہ وہ کسی COVID-19 کے شکار شخص کے ساتھ آخری مرتبہ قریبی رابطہ کرنے کی تاریخ سے اگلے 10 دنوں تک دوسروں کے ارد گرد ہونے پر ایک اچھی طرح سے فٹ ہونے والا ماسک پہنیں (آخری قریبی رابطے کی تاریخ کو دن 0 سمجھا جاتا ہے)۔ COVID-19 کے شکار کسی شخص کے ساتھ رابطہ کرنے کے کم از کم 5 دن بعد ٹیسٹ کروائیں۔

قواعد اور چہرے کے نقاب

GA-38 کے بعد سے—جو کہ سرکاری اداروں اور عوامی صحت کے حکّام کی جانب سے چہرے کے نقاب کو لازمی قرار دئے جانے کی مناہی کرتا ہے — اور تازہ ترین CDC کی ہدایات کے بعد سے، 18 مئی کو جاری ہونے والے ہیلتھ اتھارٹی کے قواعد کو لازمی تقاجوں کی بجائے سفارشات میں تبدیل کر دیا گیا ہے۔ 

ملاحظہ کریں خطرے پر مبنی ہدایات پر مبنی افراد کے لیے سفارشات۔ 

ملاحظہ کریں ہیلتھ اتھارٹی کی سفارشات پر مبنی کاروباروں کے لیے سفارشات۔

[سب سے اوپر]

اضافی وسائل